Признанија за најистакнатите ученици од генерацијата

Уште една генерација деветтоодделенци го заокружува своето деветгодишно образование во нашето училиште. По тој повод, училиштето додели признанија на учениците кои со својот успех, однесување, посветеност и позитивен пример оставија посебен белег во својата генерација.

За ученик на генерацијата е прогласен Николај Божиноски од IX-2 одделение.

За гордост на генерацијата се прогласени Нона Живковска од IX-1 одделение и Јоана Милкова од IX-1 одделение.

На учениците им беа доделени дипломи и пригодни подароци од училиштето, како знак на признание за нивниот труд, успех и постигнати резултати.

Им честитаме на Николај, Нона и Јоана и им посакуваме уште многу успеси во понатамошното образование.

На сите деветтоодделенци им посакуваме среќно и успешно продолжување на нивниот образовен пат. Нека со себе ги понесат убавите спомени, стекнатите знаења и пријателствата создадени во нашето училиште. Со гордост ги испраќаме во нови предизвици и им посакуваме многу успех, радост и остварени соништа.